8.8 C
Prizren
E shtunë, 3 Dhjetor, 2022

93-vjetori i vdekjes së At Shtjefën Gjeçovit, intelektualit erudit që u vra nga shovinistët serb

At Shtjefën Gjeçovi lindi në Janjevë të Kosovës më 12 korrik, të vitit 1874. Pasi kreu kolegjin françeskan në Troshan, në vitin 1888 u nis për të ndjekur studimet në Kroaci. Pas përfundimit të studimeve në vitin 1896 u dorëzua prift dhe shërbeu në Pejë, Gomsiqe, Theth, Rubik etj.

Atë Shtjefën Gjeçovi përfaqësonte intelektualin erudit, i cili grumbulloi qindra gojëdhëna, përgatiti monografi shkencore, shkroi artikuj, hartoi tekste mësimore, përktheu nga letërsia botërore, etj.

Atë Shtjefni ka botuar këta libra: “Jeta e shë Luçis, pajtores s’arkidieçezit të Durrsit” (1904), “Mark Kuli Kryeqitas” (1905), “Agimi i qytetnis”,(1910), “Shna Ndou i Padues” (1912), “Atil Reguli” (përkthim i lirë i dramit me tri pamje të Pjetër Metastasit) (1912), “Vajza e Orleans-it ase Joana d’Ark”, (1915), “Atil Reguli” (1912), “Moisi Golemi” dhe “Kanuni i Lekë Dukagjinit” (1933).

Atë Shtjefën Gjeçovi u bë i famshëm me librin “Kanuni i Lekë Dukagjinit”. Rregullat e kanunet ai i mblodhi nga goja e popullit dhe fillimisht i botoi në revistën “Hyll të Dritës”.

Atë Gjeçovin e vranë shovinistët serbë më 14 tetor të vitit 1929 në katundin Zym të Prizrenit ku shërbente si famulltar. / KultPlus.com

Më Shumë

Shaqiri refuzon të flas për mediat serbe

Xherdan Shaqiri nuk ka pranuar që të flas për mediat serbe pak para fillimit të ndeshjes ndërmjet Zvicrës dhe Brazilit. Futbollisti nga Gjilani nuk luajtur...

Trajneri i Belgjikës analizon situatën e Lukakut

Trajneri i Belgjikës, Roberto Martinez, është i lumtur që Romelu Lukakun është rikthyer dhe shpreson që ylli i Interit të jetë i aftë për...

Moti për sot

Lajmet e Fundit