Zëvendëskryeministri, njëherësh ministër i Punëve të Jashtme, Hashim Thaçi, ka bërë me dije se mbledhja e radhës e dy qeverive, Kosovës dhe Shqipërisë do të mbahet në muajin mars.
“Së bashku me kryeministrin e Republikës së Kosovës, Isa Mustafa, sot patëm një kafe mëngjes me kryeministrin e Republikës së Shqipërisë, Edi Rama, me të cilin diskutuam agjendën e integrimit evropian, përshpejtimin e zhvillimit ekonomik dhe rritjes së mirëqenies në dy vendet, bashkëpunimin rajonal si dhe zhvillimet e fundit politike. U dakorduam që mbledhja e ardhshme e të dy Qeverive të mbahet në fund të muajit mars”, ka shkruar Thaçi në profilin e tij në Facebook.