Profesori dhe shkrimtari, Ramiz Kelmendi është laureati i çmimit për vepër jetësore “Esat Mekuli”, të ndarë nga Lidhja e Shkrimtarëve të Kosovës, sonte në ambientet e Bibliotekës Kombëtare të Kosovës.
Në këtë ceremoni, njëherësh u mbajt edhe ora letrare me anëtarët e kësaj lidhjeje si dhe u prezantuan 32 anëtarë të rinj, të cilët lexuan poezitë e tyre, raporton KultPlus.
Kryetari i Lidhjes së Shkrimtarëve të Kosovës, Shyqri Galica foli për profesorin Kelmendi si njëri nga figurat kruesore në fushën e kulturës, informimit dhe arsimimit në vendin tonë. Galica ndër tjerash tha se krijimtaria e professor Kelmendit është e ve ç antë dhe komplekse në trajtim dhe cilësi.
Shkrimtari Kelmendi këtë çmim e pranoi nga kryetari i nderit të Lidhjes së Shkrimtarëve të Kosovës, Adem Demaçi.
Ramiz Kelmendi njihet si shkrimtar, publicist e gazetar, i cili është autor i disa romaneve, teksteve shkollore, dramave, fejtoneve etj. Ndër veprat e tij më të njohura janë: “Shtatë persona ndjekin autorin”, “Vija e vrragë”, “Abrakadabra”.