E pazakonshmja ishte bërë e zakonshme për doktorin Lul Raka, teksa po kalonte vijën e kuqe në qendrën spitalore “Elwa 2” të Monrovias, kryeqytetit të Liberisë.
Vija e kuqe tanimë kishte marrë jetën e mbi 170 pjesëtarëve shëndetësorë që po luftonin epideminë Ebola, e rikthyer fuqishëm sivjet, ndonëse për herë të 25-të.
Ajo vijë nënkuptonte zonën ku qëndronin të hospitalizuari të konfirmuar me Ebola. Doktori kosovar, mikrobiologu Raka, e kishte marrë rrugën drejt shtetit perëndimor afrikan, duke e kaluar vijën e kuqe vetëm për të qenë në paqe me vetveten.
Askush s’ia kishte mbështetur idenë, madje ata që kishin provuar ta ndalnin së shkuari kishin qenë edhe vetë fëmijët e tij. Megjithatë ndjenja për të ofruar ndihmë thotë t’i ketë mposhtur të gjithë zërat kundërshtues. /Koha Ditore/