Një person është arrestuar në Prizren i dyshuar për gjashtë raste të vjedhjeve.
“Të shtunën pasdite, një qytetare me banim në rrugën “Fahredin Hoti”, ka denoncuar në Policinë e Prizrenit rastin e vjedhjes së rëndë e cila kishe ndodhur në shtëpinë e saj, me ç’ rast ishte vjedhur një sasi e konsiderueshme e stolive të arta. Pas pranimit të rastit, hetues policorë kanë nisur me hetimin e rastit dhe të nesërmen është identifikuar personi i dyshimtë i cili është arrestuar dhe është intervistuar në prani të avokatit mbrojtës”, ka thënë për Gazetën Tribuna, Hazir Berisha, zëdhënës rajonal në Prizren.
I ballafaquar me provat materiale, i dyshuari i ka treguar policisë edhe për pesë raste tjera të ngjashme. Në konsultim me prokurorin, është vendosur që i dyshuari të ndalët nën masën e arrestit policor, ndërsa hetuesit po punojnë për zbardhjen e rasteve të tjera.