Kryesia e Bashkimit Demokratik në Prizren ka diskutuar për situatën e rënd politike, ekonomike dhe sociale në Kosovë si dhe anarkinë në pushtetin lokal të Prizrenit.
Kryetari i BD-së Zafir Berisha në këtë takim foli pr rrjedhat e fundit në Kosovë, me theks ta veçantë u ndal tek shpërngulja masive e qytetarëve drejtë vendeve të perëndimit
“Fajtor është koalicioni qeverisës PDK – LDK, të cilët nuk janë të aftë të merren me zgjidhjen e problemeve jetike që i preokupon qytetarët tanë, siç janë korrupsioni papunësia , çmimi lartë i energjisë elektrike, shporta e qytetarit të Kosovës e cila vazhdon të jetë e varfër et.”
“Por merren me gjëra të rëndësisë së dytë ose bëjnë veprime që gjëja janë duke bërë diçka, e që ne fakt janë kamuflim para opinionit”.
“Bisedimet në Bruksel sipas Bashkimit Demokratik janë vazhdimësi e nënshtrimit të Kosovës para politikës së Beogradit”.
“Politikanët tanë te papërgjegjshëm të cilët me bisedimet e deritashme bënë që Kosova të jetë shtet jo funksional dhe duke i legalizuar strukturat para politike e paramilitare të Serbisë në Kosovë po rrezikojnë të humbin në paqe atë të cilën populli i Kosovës e fitoj me luftë”
“Bashkimi Demokratik shpreh shqetësimet e veta edhe për shkeljet ligjore që i bën kryetari i dënuar i Prizrenit, ku në kundërshtim me ligjin, Prizrenin për 13 muaj e ka lënë pa nënkryetar të minoriteteve edhe pse ligji e precizon ketë çështje, punësimet mbi baza partiake dhe farefisnore, moskrijimi i kushteve për biznes, i cilin në Prizren është duke kontribuar me të madhe në shpërnguljen e qytetarëve drejtë vendeve perëndimore”/PrizrenPress.com