Pasi ka mbuluar festivalin në mënyrë mediatike për më shumë se tri dekada, sivjet Australia për herë të parë “futet” në Evropë, duke u bërë shteti tjetër pjesëmarrës në Festivalin e madh të muzikës evropiane – Eurovizion.
Lajmin e ka bërë të ditur webfaqja zyrtare e festivalit, duke shtuar se Australia kualifikohet drejtpërdrejt në finale dhe është shteti i 40-të që konfirmon pjesëmarrjen në Vjenë të Austrisë, atje ku në maj mbahet festivali.
Përjashtimi ndodh pasi Australia ka dhënë edhe fondacion ndër vite që ky festival të funksionojë mirë, ndërsa edhe e ka transmetuar atë. Australia sivjet debuton ndërsa nuk dihet nëse edhe viteve tjera do të vazhdojë të marrë pjesë në festival.
Sivjet në garë nuk merr pjesë Ukraina, ndërsa Qipro e Serbia kthehen pasi vitin e kaluar nuk morrën pjesë. Fituesja e vitit të kaluar në Eurovizion ishte Conchita Wurst.