Kryetari i Kuvendit të Kosovës, Kadri Veseli, në seancën solemne me rastin e shtatë vjetorit të pavarësisë, tha se pa sundim të ligjit nuk do të ketë përparim në integrimet evropiane
Nuk do të ketë siguri për qytetarët dhe as investime të huaja që ndikojnë në jetën tonë.Ai tha se përvjetori i pavarësisë është ditë e përkujtimit të gjeneratave që dhanë gjithçka nga vetja vetëm e vetëm që dita e pavarësisë të zbret në Kosovë por edhe ditë për punën e përbashkët për të ecur përpara.
Veseli shtoi se Kosova gjatë këtyre viteve ka ecë përpara në zhvillimin ekonomik por vend për mburrje nuk ka sepse vazhdojmë të përballemi me sfida të mëdha.
“Pa sundim të ligjit nuk do të ketë përparim në integrimet evropiane, pa sundim të ligjit nuk do të ketë siguri për qytetarët dhe as investime që ndikojnë në jetën tonë. Kosovën do ta bëjmë ashtu siç e deshën paraardhësit tonë dhe ashtu siç e duan pasardhësit tonë”, ka thënë ai.