Qeveria e Republikës së Kosovës, më 5, 6 dhe 7 Mars, organizon manifestimin gjithë-popullor në kujtim dhe nderim të Epopesë së Ushtrisë Çlirimtare të Kosovës.
Me rastin e 17 vjetorit të rënies heroike të Komandantit Legjendar Adem Jashari dhe familjes Jashari, Qeveria e Republikës së Kosovës, më 5, 6 dhe 7 Mars, organizon manifestimin gjithë-popullor në kujtim dhe nderim të Epopesë së Ushtrisë Çlirimtare të Kosovës dhe heroizmit të Komandantit Legjendar Adem Jashari dhe Familjes Jashari.
Në këtë ceremoni para të pranishmeve do të mbajnë fjalime; Kryeministri i Qeverisë së Republikës së Kosovës zoti Isa Mustafa, Komandanti i FSK-së gjenerallejtënant Kadri Kastrati dhe përfaqësuesi i familjes Jashari.
Në ceremoni do të jenë të pranishëm drejtues të institucioneve më të larta shtetërore, diplomatë, atashe ushtarak, përfaqësues të komunave, të ftuar të tjerë dhe qytetarë të Kosovës.