Ministria e Punëve të Brendshme (MPB) nuk po i ripërtërinë patentat e shoferëve për qytetarët të cilët aplikojnë me një vit vonesë pas skadimit të afatit të këtij dokumenti, pa iu nënshtruar në tërësi provimit teorik dhe praktik për patentë sikurse të mos kishin qenë asnjëherë shoferë.
Përfaqësuesit e MPB-së kanë thënë se duhet të gjendet një zgjidhje tjetër për këtë çështje. Mirëpo deri në gjetjen e saj ata nuk thonë se çfarë do të bëhet me shoferët me patentë të skaduar.
Këtë procedurë e parasheh Ligji për sigurinë në komunikacionin rrugor, për çka nuk ka pasur ndonjë fushatë informuese. Nga ana tjetër përfaqësuesit e shoqërisë civile dhe qytetarët që po përballen me një gjë të tillë e vlerësojnë këtë praktikë si jologjike dhe të papranueshme..