Kryeministri i Kroacisë, Zoran Millanoviq, i ka premtuar ministrit të Jashtëm të Kosovës, Hashim Thaçi, se do të lobojë edhe personalisht për njohje te pesë shtetet e Bashkimit Evropian që ende nuk e kanë njohur Kosovën.
“E njohim procesin integrues nëpër të cilin po kalon Kosova dhe si shtete mike që jemi, mund të llogarisni për gjithçka në përkrahjen tonë. Na keni në dispozicion për çdo gjë. Unë edhe personalisht do të angazhohem me lobim te pesë shtetet e BE që ende nuk e kanë njohur Kosovën”, ka thënë kryeministri kroat, Zoran Millanoviq gjatë takimit me Thaçin.
Ndërkaq, zëvendëskryeministri i Kosovës, Hashim Thaçi, ka thënë se qytetarët e Kosovës dhe kroatët ishin miq edhe para se të kishin shtete.