Kryeministri Edi Rama u pyet në lidhje me akuzat e opozitës se ka kandiduar në Krujë një të dyshuar për trafik droge. Por në vend që të komentojë për Artur Bushin, që është deputet i PS, Rama foli për Xhelal Mziun, kandidatin e PD në Kamzë.
“Nuk di çfarë kanë parasysh, por më duket se vetëm para pak çastesh mësuam se një kandidat i shpallur prej tyre, për të konkurruar në një nga bashkitë kryesore, u shpall fajtor nga gjykata dhe mesa më rezulton do jetë në burg. Kështu që, shpreh keqardhje të thellë për PD që tjetër thotë, tjetër bën, tjetër mendon dhe në fund fare tjetër i del,” tha Rama.