Zëvendëskryeministri i Kosovës, Hashim Thaçi, pasi ka përfunduar protesta ka shkruar në llogarinë e tij në Facebook, duke vlerësuar protestën si të qetë.
Thaçi ka thënë se protesta e qetë dëshmon pjekuri të qytetarëve të Kosovës.
Ky është postimi i tij në Facebook:
“Më vjen mirë që protesta e sotme simbolike në pjesëmarrje ishte paqësore. Kjo dëshmon pjekurinë e qytetarëve të Republikës së Kosovës dhe besimin e tyre në institucionet e shtetit të tyre. Eshtë e vërtetë që Kosova ende përballet me sfida, por është po ashtu e vërtetë që bashkërisht kemi arritur suksese të shumta. Prandaj, të vazhdojmë t’i bashkojmë energjitë tona pozitive dhe gjithë potencialin tonë ta vëmë në shërbim të interesit tonë nacional dhe shtetëror. HTH”.