Konstatimin se kjo skenë politike në Kosovë, ka dështuar për të dhënë perspektivë dhe dinamikë meritore të zhvillimit të vendit, nuk e thonë vetëm analistë dhe shoqëria civile e Kosovës, por edhe analistët ndërkombëtar.
Në intervistën për “Kosova Sot”, këtë e konstaton edhe analisti Daniel Server, por ai fajëson për vazhdimin e jetëgjatësisë së kësaj skene politike votuesit që po i besojnë këtij lidershipi joserioz dhe të konsumuar, që po mbijeton me vota të manipuluara, të blera nga format më perfide të mundshme.
Server thotë se për krijimin e një force të re politike dhe shkëputjen nga kjo përbërje e dështuar, e kanë në dorë vetë qytetarët që nuk duhet të besojnë më në premtimet e kota dhe planet pa vizion zhvillimor të partive në pushtet.
Sidoqoftë njohës të zhvillimeve politike në vend, konsiderojnë se vetëdijesimi i qytetarëve për të mbështetur një iniciativë të re politike në zgjedhjet e radhës, për t’u shkëputur nga kjo gjeneratë e dështuar e politikanëve, është një proces i vështirë që të realizohet, ngase akoma mungon vetëdijesimi i plotë për nevojën e ndryshimeve rrënjësore në shoqëri./Kosova Sot/