Dy ditë para votimit të Gjykatës Speciale në Kuvendin e Kosovës, deputetët e koalicionit qeverisës janë të bindur se i kanë siguruar votat e nevojshme, përderisa opozita paralajmëron votën kundër.
Megjithatë, përpos opozitës janë edhe disa deputetë të partisë së Hashim Thaçit, të cilët nuk po i binden kërkesës së bashkëpartiakëve të tyre për ta votuar Specialen.
Për miratimin e amendamenteve për ndryshime kushtetuese, të cilat i hapin rrugë krijimit të Gjykatës Speciale, duhen 2/3 e votave të deputetëve, apo 80 sosh nga 120, sa ka Kuvendi i Kosovës, përfshirë këtu edhe 2/3 e votave të pakicave, apo votat e 14 deputetëve minoritarë.
Nënkryetari i Kuvendit të Kosovës, Xhavit Haliti, i cili është zyrtar i lartë në partinë më të madhe në vend (PDK), beson se brenda grupit parlamentar të partisë së tij do të ketë pajtueshmëri rreth miratimit të Speciales. “Mendoj se i kemi votat për ta miratuar Specialen”, ka thënë Haliti./Zëri/