Policia ka arrestuar sot në Laç një gjyqtare dhe një avokat, pasi u kapën në flagrancë duke i marrë ryshfet një klienti.
Sipas informacioneve të para të policisë në pranga ka rënë avokati Gjovalin Prendi dhe gjyqtarja Parashqevi Ademi.
Në bashkëpunim me njeri-tjetrin, këta dy zyrtarë të lartë u kanë marrë një shumë prej 2oo mijë lekë një shtetasi shqiptar, në lidhje me një çështje gjyqësore të këtij shtetasi.
Arrestimi i tyre ka ardhur pas denoncimit të rastit në emisionin investigativ “Fiks Fare”, në “Top-Channel”. Gjithashtu edhe qytetari ka bërë denoncim pranë strukturave të policisë.
Ndërkaq, policia sekuestroi në cilësinë e provave materiale shumën e parave, ndërsa njoftoi se hetimet për këtë rast do të vijojnë./Shekulli/