Busti i bronztë i Nënës Terezë, i punuar nga skulptori, akademik Mal Myrtaj, do të inaugurohet më 20 qershor (të shtunën), në orën 12:00 në Stingen të Gjermanisë. Vendosja e bustit do të bëhet në mes të parqeve të bukura të spitalit të fëmijëve, të Bodensee Hegau. Inaugurimi i bustit do të bëhet nga kryetari i komunës, Bernd Hausler dhe Konsulli i Kosovës në Shtutgard, Faket Kajtazi.
Bekimi i bustit do të bëhet nga prifti i kishës katolike në Singen, Bernhard Knobelspies, ndërsa projekti u realizua falë donacioneve të shumta, fillimisht të dhëna nga qytetarët e Kosovës me banim në nga Singen, distrikti i Konstanz, por edhe nga Zvicra.
Në Galerinë e Ministrisë së Kulturës “Qafa”, në Prishtinë, skulptori Mal Myrtaj ka marrë pjesë më ekspozitën e tij personale “Simfoni në bronz”, më 30 gusht të vitit 2013.
Në këtë ekspozitë, skulptori Myrtaj, ka prezantuar para publikut veprat e tij më të mira dhe më të realizuara. Për punën e tij janë dhënë mjaft vlerësime pozitive, sidomos në raport me trendët e rinj evropianë të artit.
Mal Myrtaj ka lindur në Pejë, ndërsa për vite të tëra veprimtarinë e tij e ka zhvilluar në mërgim, në Gjermani. Është laureat i shumë shpërblimeve në konkurset e organizuara në Kosovë dhe më gjerë./Epoka e re/