Pretendimet se disa zyrtarë të lartë në EULEX u korruptuan gjatë mandatit të tyre në Kosovë bënë që BE të dërgojë hetues të rinj në Task Forcën anti-korrupsion të këtij misioni, e cila ishte kriijuar në fund të 2013-ës.
Trupa e re që po hetonte dyshimet e ish-prokurores britanike, Maria Bamieh, se ish-gjykatësi Francesko Flori dhe grupi i tij ishin korruptuar gjatë shërbimit në këtë mision, u bastis një muaj më parë, me 16 qershor 2015.
Dokumentet e hetimeve u konfiskuan dhe tash nuk dihet ku gjenden, transmeton Klan Kosova.
Kjo besohet se u bë me urdhër të shefit të EULEX, Gabriele Meucci.
Burime të Klan Kosovës, të cilët për shkak të ndjeshmërisë së rastit preferuan të mos u bëhet i ditur identiteti, treguan si rrodhi ngjarja.
Maria Bamieh për Klan Kosovën e jep versionin e saj.