Kryetari i degës së LDK-së në Prizren, Haxhi Avdyli bashkë me kryetarin e degës së Zhurit Nijazi Ademaj, deputetin dhe anëtarin e Kryesisë së LDK-së Anton Qunin, asambleistin Haziz Hodaj, ish deputetin Xhavit Ukaj, Sadik Hoxhaj e Petrit Hoxhaj nga dega e Zhurit, ishin në vizitë në selinë e BIK-ut në Prizren, ku u pritën nga kryetari i BIK-ut Lutfi Ballëku, kryeimami Ali Vezaj dhe zyrtarë tjerë te BIK-ut.
Delegacioni i LDK-së uruan zyrtarët e BIK-ut për festën e Fitër Bajramit, dhe përgëzuan zyrtarët e BIK-ut për organizimet dinjitoze gjatë muajit të madhërishëm të Ramazanit.
“Në takim u theksua se LDK historikisht ka përquar mesazhe solidariteti dhe tolerance dhe ka kontribuar që paqja dhe bashkëpunimi të mbizotëroj mes nesh. Poashtu u vlerësua lartë bashkëpunimi dhe komunikimi i deritashëm në mes LDK-së dhe BIK-ut dhe u zotuan për vazhdimin e këtij bashkëpunimi”, thuhet në komunikatë. /PrizrenPress.com/