Shefi i Grupit Parlamentar të PDK-së, Adem Grabovci i ka quajtur spekulime emrat e publikuara të të akuzuarve për Gjykatën Speciale, ku janë të përfshirë edhe shefi i Partisë Demokratike të Kosovës, Hashim Thaçi, kryetari i Kuvendit, Kadri Veseli, Xhavit Haliti…
Edhe sikur të ishin të vërtetat listat me emra të cilat janë publikuara nga gazetari i emisionit “Pa Rrotlla”, Milaim Zeka, sipas Grabovcit është e pamoralshme të publikohen ato.
“Çështja e listave është një spekulim për mua. Për listat nuk mund të dihen, i dinë vetëm ata që janë marrë me hetimin e çështjeve dhe ne presim që në të ardhmen të publikohen. Por edhe sikurse të dihen emrat, do të ishte e pamoralshme të manipulohen me emra. Kur dihet se gjithë ata njerëz kanë familje, rrethin familjar dhe shkaktojnë shqetësim. Është e pandershme e pamoralshme të manipulohen me emra. Ne e kemi mjaftë jetën tonë të rënduar me procese, shqetësime”, ka deklaruar Grabovci gjatë emisionit “InfoMagazine” në Klan Kosova. /Zëri/