Është përkujtuar 17 vjetori i rënies së dëshmorit të kombit Remzi Ademaj-Petrit Kodra.
Kryetari i Prizrenit, Ramadan Muja për nder të ditës së rënies së “Petritit”, ka vizituar Varrezat e Dëshmorëve në Landovicë, si dhe vendin e rënies së dëshmorit në fshatin Nashec. Ai tha se falë gjakut të dëshmorëve,Kosova sot gëzon lirinë.
“Falë gjakut të dëshmorëve ne sot gëzojmë lirinë dhe Pavarësin e Kosovës”, tha Muja.
“Petriti” po ashtu është përkujtuar edhe nga bashkëluftëtarët e UÇK-së.
Remzi Ademaj ishte komandanti i parë i UÇK-së për rajonin e Prizrenit dhe një nga komandantët e parë të UÇK-së për ZOP-in.
Ai ra heroikisht më 15 gusht 1998 në një pritë që forcat serbe i kishin organizuar në fshatin Grazhdanik të Prizrenit./PrizrenPress.com/