Këshilltari i AKR-së në Prizren, Naser Bresa, ka sugjeruar kryetarin e Komunës, Ramadan Mujën, që të bëjë reformatizimin e Ekzekutivit. Ai thotë se disa drejtorë të ‘Qeverisë Muja’, duhet të ndërrohen.
“Është mirë që kryetari Muja të bëjë reformatizimin e Ekzekutivit, pasi që disa drejtorë nuk po kanë vullnet as të përgjigjen në pyetjet e këshilltarëve të Kuvendit”, thotë Bresa. Sipas tij, drejtorët e Ekzekutivit, janë të obliguar që të përgjigjen në pyetjet e këshilltarëve të Kuvendit.
Edhe këshilltari i VV-së, Arbër Rexhaj, tregon se disa drejtorë të Ekzekutivit të Prizrenit, nuk përgjigjen në pyetjet e këshilltarëve të Kuvendit.
“Disa drejtorë përgjigjen, por ka edhe prej tyre që nuk përgjigjen”, thotë Rexhaj. Ai kërkon nga drejtorët që të përgjigjen në pyetjet e këshilltarëve, ”pasi që pyetjet po i bëjmë për të marrë përgjigje”. /PrizrenPress.com/