Policia e Kosovës ka kryer bastisje në 4 lokacione të ndryshme në kërkim të dyshuarve për vrasjen e mbrëmshme në Prizren. Kjo është konfirmuar për Gazetën Express nga rreshter Vesel Gashi
“Deri me tash nuk ka asnjë të arrestuar dhe policia po merr të gjitha masat dhe veprimet e nevojshme”, ka thënë Gashi.
Në Prizren mbrëmë është vrarë një person i moshës rreth 40 vjeç, Hekuran Morina, ndërsa 3 të tjerë u plagosën. Njëri prej tyre ishte kalimtar i rastit. Në mesin e të plagosurve është edhe vëllai i viktimës Fadil Morina, gjendja e te cilit ishte raportuar te ishte e rëndë. Megjithatë Gazeta Express merr vesh se gjendja e tij tashmë është stabile dhe ndodhet jashtë rrezikut për jetë.
I dyshuar për vrasje dhe plagosje është Bernard Prelazri nga fshati Velezhë komuna e Prizrenit i cili ka pasur një aktakuzë në polici për veprën penale, raporton Gazeta Express.