Qindra mijëra lëndë të pazgjidhura vazhdojnë të qëndrojnë në sirtarët e gjykatave kosovare. Pos lëndëve të “vjetra”, gjykatat dita-ditës po ngarkohen edhe me lëndë të reja. Kjo po ndodh për shkak të një problemi të moçëm – mungesës së numrit të gjyqtarëve.
Gjykatat themelore në shtatë qytete të Kosovës janë gjykatat e shkallës së parë, në të cilat dërgohen të gjitha rastet penale dhe civile.
Gjykata me më së shumti lëndë të pazgjidhura është Gjykata Themelore në Prishtinë me degët e saj, mirëpo në këtë drejtim hiç më mirë nuk qëndrojnë as gjykatat në Gjakovë, Prizren, Pejë, Ferizaj, Mitrovicë e Gjilan.
Ndonëse llogaritet si gjykata me numrin më të madh të lëndëve dhe gjyqtarëve, Gjykata Themelore në Prishtinë, pavarësisht pritjes së gazetës “Zëri” për më shumë se dy javë nuk ka qenë në gjendje që të ofrojë statistika për numrin e lëndëve të pazgjidhura. Përderisa gjashtë gjykatat e tjera kanë në sirtarë mbi 200 mijë lëndë, të cilat presin epilogun./zeri/