Në Prizren është shënuar sot Dita e Dëshmorëve. Nënkryetari i komunës, Lulzim Kabashi, tha se “dëshmorët janë më meritoret që sot ne frymojmë lirshëm”.
“Vepra e tyre duhet të jetë udhërrëfyes i një të ardhme më të ndritur të vendit”.
Kabashi tha se 15 shtatori si datë duhet të jetë e veçantë në tërë komunën për t’i përkujtuar të gjithë ata që u flijuan në luftën e lavdishme të UÇK-së.
Ndërkaq, Kryesuesi i Kuvendit të Prizrenit, Kujtim Gashi,tha se dëshmorët janë ata që i japin kuptim angazhimeve të të gjithë neve për të jetësuar amanetin e tyre, për një vend të përparuar.
Ish eprori i lartë i UÇK-së, aktualisht edhe këshilltar i Kuvendit të Prizrenit, Alush Shala, gjithashtu tha se do të angazhohet që 15. shtatori të jetë ditë e veçantë, kur duhet të përkujtohen të rënët për lirinë e atdheut nga komuna e Prizrenit,transmeton TVPZ.
Edhe pse sot është parë një numër i madh i pjesëmarrësve në shënimin e ditës së dëshmorëve të komunës së Prizrenit, numri i familjeve të dëshmorëve ishte vetëm 14 që morrën pjesë në homazhe, nga mbi 150 familje sa i’a kanë falur bijtë e tyre çlirimit të Kosovës nga komuna e Prizrenit.Pas Landovicës, janë vendosur buqeta me lule edhe para Monumentit të Lirisë dhe shtatorëve të komandatëve, Remzi Ademaj, Ismet Jashari, Xhevat Berisha dhe Pal Paluca/PrizrenPress.com/