Shefi i Grupit Parlamentar të Partisë Demokratike të Kosovës, Adem Grabovci vlerëson se opozita nuk është e përgatitur për zgjedhje të parakohshme.
Ai beson se nuk është në interesin e opozitës me dëmtu vetveten.
“Të gjithë e dimë se nëse shkojmë në zgjedhje, opozita do të dalë më e dobët. Prandaj nuk besoj që është e interesuar me dëmtu vetveten”, ka thënë Grabovci për Gazetën Tribuna.
I pyetur nëse PDK është e gatshme për zgjedhje të parakohshme, Grabovci thotë se partia e drejtuar nga Hashim Thaçi nuk i frikësohet zgjedhjeve të parakohshme.
Sipas tij, PDK nuk i është frikësuar asnjëherë daljes për të kërkuar votëbesimin e qytetarëve.