Policia në Prizren ka arrestuar një person me mbiemrin Krasniqi,gjatë hetimit për shpërdorim të besimit të një personi tjetër me mbiemrin Ramadani.
“Mbrëmë rreth orës 20:00, hetues policorë të Stacionit Policor në Prizren, në vazhdën e hetimit të një rasti për shpërdorim të besimit, ishin në kërkim të personit të dyshuar me mbiemër Ramadani dhe të njëjtin e kishin identifikuar në një automjet së bashku me një person tjetër”, njofton Policia në Prizren.
“Pas ndalimit të automjetit, policët kanë vërejtur që personi me mbiemër Krasniqi që drejtonte automjetin ishte i armatosur me armë zjarri. I dyshuari është arrestuar dhe i është sekuestruar një pistoletë e llojit ”Zastava” me shtatë fishekë dhe një thikë”.
“Gjatë kontrollit të hollësishëm që i është bërë të dyshuarit në stacion, në kuletën e tij është gjetur një bankënotë e cila dyshohet të jetë e falsifikuar”.
“Për të gjitha gjetjet është informuar prokurori i shtetit i cili ka urdhëruar që i dyshuari të ndalët nën masën e arrestit”./PrizrenPress.com/