Nga Fadil Maloku
1. Varfëria është një proces që ka ndodhur me dekada të tëra në Kosovë… Kjo gjendje nuk është alarmuar aq shumë, as në opinionin e brendshëm dhe as në atë të jashtëm…!
2. Në Kosovë, sot janë rreth 35,000 familje me mbi 151,000 anëtarë që përfitojnë ndihmë sociale nga 40 deri në 80 euro në muaj.
3. Gjithashtu, janë edhe 17,800 familje të tjera, të cilat nuk gëzojnë asgjë nga shteti dhe kanë nevojë për gjëra ekzistenciale!
4. Kosova, s’mundet dot ta përballoj gjithë këtë varfëri të skajshme dhe gjithë këtë shpërpjesëtim midis SHUMË të PASURËVE (politikanëve të korruptuar dhe të kriminalizuar) dhe SHUMË të VARFËRVE, midis zemrës të Evropës!
5. Turma e të pakënaqurve me statusin e tyre social po rritet gjithnjë e më shumë! Ajo, gjithë këto vite të pasluftës është mashtruar qëllimshëm me përralla politike (pavarësia, liria, demokracia, shtetësia, sovraniteti, etj.) dhe kompleksin e ndihmës ndërkombëtare!
6. Kosovës i duhen reforma të thella: ekonomike, sociale, e politike të cilat qeveria aktuale s’mund t’i bëjë edhe për shkak të; kriminalizimit dhe korrupsionit të segmenteve kyç shtetëror (policisë, gjyqësisë, arsimit, shëndetësisë…etj.)
7. Ndryshimet…është dëshmuar (nga përvoja e vendeve të tranzicionit) se s’mund t’i bëjnë elitat oligarkëve politik, por elitat e reja që s’janë të ngarkuara me hipotekat e luftës dhe paqes!