“Pjesa më e madhe e nxënësve të arsimit profesional është e privuar nga mundësitë praktike. Që të përmirësohet gjendja, shteti duhet të bëjë më shumë në pajisjen e shkollave me punëtori dhe mjete pune, t’i stimulojë ato që t’i shesin prodhimet e veta, duke krijuar kështu të ardhura”, shprehet eksperti i arsimit, Dukagjin Pupovci
Shkollimi profesional vazhdon të ketë mjaft probleme në Kosovë. Mungon një studim i mirëfilltë, pastaj bashkëpunimet me ndërmarrjet për të kryer praktikë, e deri te mungesa e teksteve shkollore, ku nxënësit ende shkruajnë ato që ua diktojnë profesorët. Njohësi i arsimit, Dukagjin Pupovci, mendon se problemi kryesor i arsimit profesional në Kosovë është shkalla e pamjaftueshme e përfshirjes së nxënësve në punë praktike dhe praktikë profesionale. Puna praktike duhet të bëhet brenda shkollës dhe si pengesë kryesore paraqitet mungesa e punëtorive dhe mjeteve të punës. Ndërkaq, praktika profesionale bëhet në ndërmarrje, të cilat, në shumë raste, nuk janë të interesuara të mbajnë nxënës ose edhe t’u japin punë që nuk kanë të bëjë fare me profesionin e tyre.
në punën praktike dhe praktikën profesionale bëjnë që nxënësi të mos aftësohet si duhet për profesion, prandaj te ne ndodh që bizneset të mos gjejnë punëtorë të kualifikuar të profilit të caktuar, që dinë ta ushtrojnë profesionin, edhe pse ka me dhjetëra të diplomuar të atij profili që presin për punë”, ka thënë ai për “Kosova Sot”..