Ndryshimet klimatike të cilat kanë sjellë mjegull të dendur që ka përfshirë shumicën e qyteteve të Kosovës, ka ndikuar që numri i aksidenteve në trafikun rrugor të shënoj ngritje.
Gjatë 48 orëve të fundit në tërë territorin e Republikës së Kosovës janë shkaktuar gjithsej 95 aksidente trafiku , ndër to një me fatalitet.
Sipas raportit të Policisë së Kosovës gjatë ditë së shtunë, kanë ndodhur 44 aksidente në trafikun rrugorë.
Nga ky numër i përgjithshëm i aksidenteve në trafik, 16 kanë shkaktuar lëndime në njerëz, ndërsa 28 aksidente kanë shkaktuar vetëm dëme materiale.
Ndërsa në 24 orëshin e ditës së premte, ku u shënuan 51 aksidente, humbi jetën një person në komunën e Kamenicës, si pasojë e goditjes nga vetura, derisa ishte duke punuar në futjen e kabllove përgjatë rrugës.
Nga këto aksidente 16 kanë shkaktuar lëndime në njerëz dhe 34 kanë kaluar vetëm me dëme materiale.
Për gjatë këtyre 48 orëve të fundit Policia e Kosovës ka shqiptuar gjithsej 1390 tiketavozitësit e automjeteve të përfshira në trafikun rrugor.