Thom Yorke ka debutuar dy këngë, të quajtura “Silent Spring” dhe “Desert Island Disk,” në koncertin e Pathway to Paris, të mbajtur në Le Trianon, të premten, që ka koinciduar edhe me samitin e klimës në kryeqytetin francez.
Këto dy këngë janë të parat nga frontmeni i Radiohead, që nga LP e tij e vitit 2014 “Tomorrow’s Modern Boxes”, e duket se bëhet fjalë për përmbajtjen e mundshme të asaj që Radiohead ka në duar për albumin e ri. Një paralajmërim ky i dëshiruar për adhuruesit e muzikës, sidomos pas njoftimeve të mëhershme për krijimin e tyre të radhës.
Në një moment të performancës, teksa po këndonte “Silent Spring”, Thom Yorke ka deklaruar se “Kjo është nga Jonny”, duke aluduar në kitaristin e Radiohead, Jonny Greenwood, e duke dhënë shenjë se kënga mund të jetë pjesë e albumit të ardhshëm të bendit.
Të dyja këto këngë, mund t’i dëgjoni më poshtë. /Politiko.net
Thom Yorke – Silent Spring
Thom Yorke – Desert Island Disk