“Pozitën e kryetarit Hashim Thaçi e do për lojëra politike të uzurpimit të mëtejmë të shtetit dhe konsolidimin e diktaturës, e jo për udhëheqje që i duhet Kosovës”, tha analisti Isa Mulaj për “Kosova Sot”
Në prag të krijimit të Gjykatës Speciale dhe ngritjes së aktakuzave të para për ishdrejtues të UÇK-së, për të mos rrëshqitur vendi në një krizë akoma më të thellë institucionale, bllokimit dhe rënies edhe të Qeverisë së Kosovës, njohësit e fushës së legjislacionit dhe të interpretimit të Kushtetutës konsiderojnë se presidentja aktuale Atifete Jahjaga, duhet të mbetet në detyrë, sepse kandidati i koalicionit për president, Hashim Thaçi mund të jetë njëri nga të akuzuarit eventualë.
Eksperti i fushës së legjislacionit, profesor Muhamet Kelmendi i tha gazetës se, sipas marrëveshjes, propozimin për president e bën koalicioni, edhe opozita nëse e ka ndonjë propozim të caktuar dhe konsideron se i kanë votat e mundshme. Mirëpo, sipas tij, në rastin aktual, kur po flitet se ish- kryeministri Thaçi, që është emër i kontraktuar mes PDK-së dhe LDK-së për president të vendit, mund të ballafaqohet me Gjykatën Speciale, atëherë nuk ka logjikë që i njëjti edhe të kandidohet në fillimin e vitit që vjen.
“Nëse kandidati mund të akuzohet në të ardhmen për veprimtari kriminale, nuk ka të drejtë të paraqitet si kandidat për president, edhe pse me ligj penal thuhet se i dyshuari nuk është kryes i veprës penale derisa nuk vërtetohet nga ana e gjykatës”, tha Kelmendi për “Kosova Sot”…