Një e-mail i rremë në emër të zëvendësministrit të Punëve të Jashtme, Petrit Selimi u është dërguar medieve, me të cilën pretendohet se ky ka dhënë dorëheqje të parevokueshme.
“Nga viti 2011, duke pasur kënaqësinë dhe privilegjin të jem në funksion të zv. Ministrit të Punëve të Jashtme në 2 mandate (2011-2014) dhe 2015, ju njoftoj për dorëheqjen time të parevokueshme nga ky funksion. Me këtë rast, dëshiroj të falënderoj zv. Kryeministrin e parë dhe kryetarin e PDK-së z. Hashim Thaçi, për besimin e dhënë gjatë kësaj kohe. Jam munduar që të jap kontributin tim në sferën e Diplomacisë Publike, asaj Digjitale dhe në lobim ndërkombëtarë, pavarësisht sfidave të cilat Republika e Kosovës i ka ndërkombëtarisht. Aktivitetin tim do të vazhdoj në konsulencë ndërkombëtare në sektorin privat. Me respekt, Petrit Selimi”, thuhet në e-mailin jozyrtar i hapur me emër të Petrit Selimit.
Portali Koha.net ka telefonuar Selimin, i cili ka treguar se ky lajm nuk është i vërtetë.
Ai ka thënë se aktualisht ndodhet në Shtetet e Bashkuara të Amerikës, dhe në çastet e telefonatës sapo kishte dalë nga takimi me Hoyt Brian Yee.
“Jam në ShBA duke mbajtur takime në Pentagon, ja sa dola nga Pentagoni”, ka thënë ai.
Petrit Selimi jep dorëheqje nga posti i Zëvendësministrit
Zëvendësministri i Punëve të Jashtme, Petrit Selimi, ka njoftuar se jep dorëheqje nga ky post ministror.
Ai thotë se dorëheqja e tij është e parevokueshme.
Njoftimi i plotë i Petrit Selimit:
Të nderuar përfaqësues të mediave,
Nga viti 2011, duke pasur kënaqësinë dhe privilegjin të jem në funksion të zv. Ministrit të Punëve të Jashtme në 2 mandate (2011-2014) dhe 2015, ju njoftoj për dorëheqjen time të parevokueshme nga ky funksion.
Me këtë rast, dëshiroj të falënderoj zv. Kryeministrin e parë dhe kryetarin e PDK-së z. Hashim Thaçi, për besimin e dhënë gjatë kësaj kohe.
Jam munduar që të jap kontributin tim në sferën e Diplomacisë Publike, asaj Digjitale dhe në lobim ndërkombëtarë, pavarësisht sfidave të cilat Republika e Kosovës i ka ndërkombëtarisht.
Aktivitetin tim do të vazhdoj në konsulencë ndërkombëtare në sektorin privat.
Me respekt,
Petrit Selimi.