Rok-grupi kosovarë “Gjurmët” janë bashkuar së fundi pas 30 vitesh dhe kanë mbajtur koncertin “Gjurmët and friends” në Tiranë, koncert ky që është paralajmëruar të mbahet edhe në Prishtinë më 17 shkurt.
Megjithatë, sipas një njoftimi që kanë bërë në faqen e tyre zyrtare në rrjetin social Facebook, lihet të kuptohet që puna e tyre nuk mbaron këtu. Ata po mbledhin video të realizuara nga publiku në koncertin e tyre sepse po planifikojnë të realizojnë edhe një dokumentar.
“Ftojmë të gjithë ata që kanë marr pjesë në koncertin e ‘Gjurmëve’ më 29 dhjetor në Tiranë, të cilët kanë xhiruar me telefonat e tyre personal t’i dërgojnë videot e tyre në [email protected]. Në këtë mënyrë edhe ju bëheni bashkautorëm në realizimin e dokumentarit te grupit ‘Gjurmët’, i cili do të realizohet në fillim te vitit 2016”, thuhet në njoftimin e tyre.
Grupi që ndërtoi karrierën në Kosovën e paraluftë njihet për këngët “Mendoja çdo gjë merr fund pa ty”, “Era”, “Heroi i qytetit pa lumë” etj.