Prokuria e Shtetit po heton mëse 100 mjekë nga e gjithë Kosova, të cilët dyshohet se kanë keqpërdorur detyrën zyrtare në rastet e vendosjes së stendave.
Më shumë se 100 mjekë nga e gjithë Kosova po hetohen nga Prokuria e Shtetit pas dyshimeve për keqpërdorime të setndave nga ana e mjekëve.
RTK raporton se dyshohet se mjekët kanë detyruar pacientët që t’i lënë klinikat shtetërore dhe të kurohen në ordinanca private.
Madje, edhe paratë që ka ndarë Ministria e Shëndetësisë për pacientet me probleme kardiake kanë shkuar nëpër spitale private.
Hetimi që po e bënë Prokuroria e Shtetit godet një pjesë të madhe të doktorëve në gjithë Kosovën.
Me këtë rast është duke u marrë prokurori i shtetit, Besim Kelmendi.
Ai ka konfirmuar se janë zgjeruar hetimet , pasi është marrë vesh se mjekët në fjalë kanë keqpërorur detyren zyrtare gjatë trajtimit të pacientëve me probleme me zemër.
Në një bidesë për RTK, prokurori i rastit ka thënë se mjekët po hetohen për vendosjen e stendave. “Ata dyshohet se kanë rekomanduar pacientët me probleme kardiake nga spitalet publike në ato private”.
Po ashtu, prokurori ka konfirmuar se pagesat që ka bërë Ministria e Shëndetësisë për t’i trajtuar pacientët në spitale publike, mjekët e dyshuar i kanë adresuar pacientët në klinika private.
Në mesin e të dyshuarve për keqpërdorim të detyrës zyrtare, prokurori konfirmon se janë edhe tre persona jurdik.
Ndërkaq, burimet e sigurta të RTK-së bëjnë të ditur se të dyshuarit tjerë janë kryesisht kardiologë nga të gjitha spitalet e Kosovës, por edhe doktor nga ordinancat private.