Ka përfunduar seanca ndaj katër deputetëve të opozitës të cilët po gjykohen për hedhje të gazi lotsjellës në seancën e fundit të Kuvendit.
Deputetët e opozitës Albin Kurti, Faton Topalli, Donika Dakaj – Bujupi dhe Albulena Haxhiu sot janë paraqitur në Gjykatës Themelorë në Prishtinë, ku kanë mohuar akuzat ndaj tyre.
Gjatë seancës deputeti Vetëvendosjes, Albin Kurti, tha se kundërshton këtë aktakuzë duke i konsideruar organet e sigurisë dhe drejtësisë hallka të “Zajednicës”.
Ndërsa e akuzuara tjetër Albulena Haxhiu, nuk shtoi asgjë më shumë përveç se u pajtua me ato qka tha Kurti.
Ndërkaq, Dinika Kadaj -Bujupi tha se veprimet e tyre janë në mbrojtje të Kushtetutës.
Avokati i Faton Topallit, Haxhi Mullaku, kërkoi që kjo aktakuzë të hidhet poshtë.
“Pa një ekspertizë nuk mund të bëhet aktakuzë e tillë. Pse askush nga sigurimi dhe kuvendarët e tjerë në kuvend nuk pësoi. Luteni t’i shikoni dispozitat ligjore mbi institutet se çka konsiderohen mjete të rrezikshme sipas ligjit. Të hidhet kjo aktakuzë dhe të mbyllet procesi dhe të lejohen njerëzit t’i kryejnë detyrat e tyre”, tha Mullaku.
Ndërsa vet Topalli tha se për të njëjtën vepër qytetarët tjerë dënohen me gjobë ndërsa deputetët me masa tjera.
“Nëse shohim procesin dhe anën politike, Gjykata Kushtetuese me vendimin e saj i jep të drejtë angazhimit tonë si opozitë në Kuvend. Në këtë gjyq është zhvilluar një proces gjyqësor të cilin një qytetarë i Kosovës për të njëjtin veprim është dënuar me 400 euro gjobë, derisa deputetët e opozitës dërgohen në paraburgim dhe merren masa të tjera”, tha Topalli.
==
Tani në këto çaste deputetët nga blloku opozitar kanë dal para drejtësisë.
Përkundër faktin, se janë të thirrur për një veprim të cilin nuk e pëlqen gjykata, ata janë të qetë dhe në disponim, njofton gazetablic.com
Njëri nga 3 deputetët e opozitës, Faton Topalli ka publikuar një fotografi me kolegët e tij deputetë ku shihen me një buzëqeshje.
Në gjykate, për shkak të angazhimit kundër kthimit të Serbisë në Kosovë”, shkruan Topall