Më pak se një muaj pas vizitës së sekretarit Amerikan në Tiranë John Kerry, kreu i opozitës shqiptare Lulzim Basha do të niset drejt Washingtonit, ku do të pritet nga zyrtarë të lartë të Kongresit Amerikan .
Kryetari i PD-së pritet të nisë një vizitë disa ditore të shtunën e ardhshme, me datën 12 mars në Shtetet e Bashkuara të Amerikës ndërsa vetë zoti Basha ka konfirmuar se këtë vizitë e zhvillon me ftesë të Kongresit Amerikan dhe të miqve të Shqipërisë atje. Vizita e kreut të PD-së në SHBA përkon edhe me 25 vjetorin e vendosjes së marrëdhënieve shqiptaro – amerikane. /Shqiptarja.com/