Dy persona kanë vendosur një pengesë në rrugë me qëllim ndalimin e automjeteve të cilat zhvillojnë shpejtësinë më të madhe se sa është e lejuar. Megjithatë, ata janë sulmuar nga dy të tjerë, të cilët viktimave u kanë shkaktuar lëndime trupore.
Rasti ka ndodhur në Zgatar të Dragashit, ku të lënduarve ju është ofruar ndihma mjekësore, kurse sipas raportit mjekësor gjendja shëndetësore e viktimave është jashtë rrezikut për jetë.
Motivi i incidentit ka qenë një pengesë e vendosur në rrugë nga ana e viktimave, ndërsa personat e dyshuar kanë tentuar që ta largojnë pengesën e cekur.
Të dyshuarit janë arrestuar, kurse thika që kanë përdorur të dyshuarit nuk është gjetur. Me vendim të prokurorit rasti kalon në procedure të rregullt.