Gjykata Themelore në Prizren e ka shpallur të pafajshëm kuvendarin e Bashkimit Demokratik (BD), Skënder Susurin. Prokuroria, ndërkaq, ndaj këtij vendimi ka parashtruar ankesë në Gjykatën e Apelit.
“Gjykata Themelore në Prizren ka vendosur aktgjykim lirues ndaj të akuzuarit me iniciale S.S. për veprën penale keqpërdorim i detyrës apo autoritetit zyrtar nga neni 422/1-2 të KP-së”, tha zëdhënësja e Gjykatës në Prizren, Afërdita Kicaj .
“Prokuroria Themelore në Prizren ka parashtruar ankesë në Gjykatën e Apelit, i cili aktgjykim nga gjykata e Prizrenit është përcjellë me datën 21.03.2016”.
“Aktgjykimi nuk është i plotfuqishëm”.
Prokuroria Themelore në Prizren,pat ngritë aktakuzë kundër kuvendarit të Bashkimit Demokratik (BD), Skënder Susurit.
Kryeprokurori i Prokurorisë Themelore në Prizren, Sylë Hoxhaj, pat thënë për PrizrenPress se Susuri dyshohet për keqpërdorim të detyrës zyrtare.
Skënder Susuri ka qenë drejtor i shkollës fillore ‘Mustafa Bakiu” në Prizren. Ai është dyshuar se në këtë shkollë ka keqpërdorë detyrën zyrtare./PrizrenPress.com/