Filmi “Babai”, me regji të Visar Morinës do të hapë këtë edicion të këtij festival që ka shtrirjen mes Prishtinës dhe Beogradit
Në shenjë të 80 vjetorit të lindjes së aktorit shqiptar Bekim Fehmiu, do të hapet edhe edicioni i radhës së festivalit “Mirdita, Dobar Dan”, në Beograd. Porgram i ngjeshur do të jetë përgjatë këtyre ditëve, sa do të zgjasë edhe festivali, kurse hapja e këtij edicioni do të bëhet me filmin artistik të metrazhit të gjatë “Babai”, me regji të Visar Morinës, shkruan KultPlus.
Ky film ngjarjen e ka të vendosur në vitet e 90-ta, dhe në këtë film flitet për vështirësitë e popullit shqiptarë, si pasojë e regjimit të atëhershëm serb në Kosovë.
Në këtë film me rolet e tyre luajnë aktorët: Astrit Kabashi, Val Maloku, Adriana Matoshi, Alban Ukaj, Enver Petrovci…
Në këtë edicion, pos këtij filmi do të ketë edhe muzikë, prezantim të librit dhe ngjarje të tjera që kanë të bëjnë me kulturën. Ky festival ka një shtrirje mes Prishtinës dhe Beogradit.