Ish-kryebashkiaku i Dibrës,Shukri Xhelili, do të vijojë të qendrojë në burg.
Gjatë ditës së sotme, Gjykata e Apelit ka refuzuar kërkesën e tij për liri ose detyrim paraqitjeje.
Xhelili akuzohet për “korrupsion pasiv”, pasi i ka kërkuar favore seksuale 20-vjeçares me iniciale A. A, në këmbim të emërimit të saj në një nga strukturat në varësi të Bashkisë.
Vetë 56-vjeçari e ka quajtur video-regjistrimin një skenar me prapavijë politike.
Nderkaq, gjatë marrjes në pyetje, vajza 20 vjeçare ka pohuar se e ka kryer video-regjistrimin me iniciativë të saj. Policia ka marrë në mbrojtje atë dhe familjarët, pas reagimeve kërcënuese në rrjetet sociale.