Kryetari i LDK-së në Prizren Haxhi Avdyli paralajmëron se në protestën e shoqërisë cvile do të marrin pjesë edhe anëtarët dhe simpatizantët e LDK-së.
“Humbja e një jete të pafajshme e veçanërisht jeta e një fëmije 3 vjeçare na bren ndërgjegjen e secilit njeri që ka gjak e zemër”, shkruan Avdyli në Facebook, transmeton PrizrenPress.
“Përgjegjës kryesor është Komuna e Prizrenit”.
“Unë personalisht por edhe si LDK kemi shpreh indinjatën, kemi reaguar në media lokale e TV nacionale, kemi bashkëndjerë me qytetarët , jemi bashkuar iniciativës për seancë të jashtëzakonshme të Asamblesë”.
“Në të njëjtën kohë, çdo iniciativë për protestë të qet solidarizuese qytetare nën organizimin e shoqërisë civile dhe qytetarëve e shohim si organizim legjitim dhe të drejtë, gjithmonë me adresim të qartë të përgjegjësisë”.
“Prandaj, nesër, me të drejtë këtij organizimi civil do i bashkohen shumë aktivistë e veprimtar të LDK-së, të cilët fajtorin kryesor e shohin te Qeveria Komunale, e cila me keqqeverisjen e këtij qyteti nga njerëz jokompetent dhe te papërgjegjshëm e kanë degraduar zonën historike, por edhe qytetin në përgjithësi, duke shkaktuar edhe viktima”.
“Kjo kauzë është më shumë humane sesa politike” .
“ Dhe çdo aktivist i LDK-së që ndjen se nesër duhet protestuar, ka plotësisht të drejtë dhe do ta kenë përkrahjen time”./PrizrenPress.com/