Pak ditë nga përvjetori i shtatë i vdekjes së Michael Jaclson, rikthehen akuzat ndaj tij për abuzim me fëmijët.
Amerikania “Radar” shkruan se posedon disa dokumente, të cilat tregojnë se në vitin 2013, gjatë një kontrolli në shtëpinë e këngëtarit në Neverland Ranch, është gjetur material pedopornografik.
Dokumentet e reja
Revista e cilëson si “shtëpia e horrorit” banesën ku ka jetuar Jackson. Ajo shkruan se dokumentet ka arritur t’i sigurojë përmes Departamentit të Sherifit të Santa Barbara’s. Flitet për dokumente të papublikuara më parë dhe që tregojnë perversitetin e këngëtarit.
Sipas këtyre dokumenteve, në shtëpinë e Jackson janë gjetur foto dhe video, ku shfaqeshin burra, gra dhe fëmijë në pozicione të papërshtatshme dhe ilaçe që përdoren për trajtimin e varësisë nga seksi.
“Dokumentet tregojnë anën e errët të këngëtarit”, i ka thënë revistës një hetues.
Akuzat ndaj Michael Jackson për abuzim me fëmijët nuk janë të reja. Ato e kanë shoqëruar disa herë gjatë karrierës së tij. Por, pavarësisht denoncimeve të bëra, shumë vite më parë gjykata e shpalli të pafajshëm. Por, zhurma mediatike lidhur me këto akuza e shoqëroi sa ishte gjallë.