Aktivitetet për shënimin e “Epopesë së Vërrinit” sot kanë vijuar në fshatin Jeshkovë, ku janë nderuar të rënët për lirinë e Kosovës.
Pjesë e këtij aktiviteti ishin familjarë të dëshmorëve dhe banorë të Jeshkovës, anëtarë të shoqatave të dala nga lufta e UÇK-së, zyrtarët më të lartë të pushtetit lokal dhe të pranishëm të tjerë.
Me këtë rast, kryetari Ramadan Muja, tha se në këtë ditë të rëndësishme me rastin e 18.vjetorit të Betejës së Jeshkovës, po përkujtojmë ata që thuren lavdinë përmes përpjekjeve titanike për të çliruar vendin nga armiku i paskrupulltë.
Në emër të OVL të UÇK-së në Prizren, ka folur Isa Berisha, i cili në mes tjerash tha se pjesë e lavdisë së Epopesë së Vërrinit ishte edhe lufta heroike e trimave në Jeshkovë në fillim të muajit shtator të vitit 1998.
Ndërsa Fidan Shala, dëshmitar i betejës së Jeshkovës ku familja e të cilit i ka dhënë 4. dëshmorë për çlirimin e vendit, thotë se ata ndjehen krenar për veprën e më të shtrenjtëve të tyre, por njekohësisht kërkoi që familjarëve tu zbuten plaget, pasi që ende rezultojnë të zhdukur vwllau im dhe katwr kusherinj që ishin pjesëmarrës të betejës së 2 shtatorit dhe asaj 11 marsit të vitit 1999, theksoi ai.
Në nderim të luftës heroike të ushtarëve të UÇK-së në këtë vendbanim ka hedhur shtat Kulla Muze , e cila po realizohet në disa faza , dhe punimet po vijojnë sipas dinamikes së paraparë