Njëri nga ekspertët e pavarur i cili fuqishëm e ka kundërshtuar Demarkacionin me Malin e Zi, Florim Isufi edhe një herë ka prezantuar fakte, që sipas tij, dëshmojnë se vendi humb territor nga shënjimi i kufirit me shtetin fqinjë.
Ai në një postim në Facebook ka prezantuar tri harta, që sipas tij, dëshmojnë më së miri që demarkacioni është gabim.
Lexoni postimin e plotë:
Pjesë nga punimi “Kronologjia e kufirit të Kosovës me Malin e Zi përmes hartave”
Me 3 gusht të vitit 2016, janë prezantuar tri format e vijës kufitare të Kosovës me Malin e Zi. Këta kufij janë sipas hartave që kanë disponuar autorët. Kopja e hartave origjinale.
Kufiri i I-rë sipas delimitimit të vitit 1945 dhe në vazhdimësi, shkalla e zvogëlimit 1:50 000.
Kufiri i II-të sipas hartës së komunave kadastrale të vitit 1974 nga Drejtoria për gjeodezi e KSA të Kosovës, shkalla e zvogëlimit 1:100 000 deri 1:200 000.
Kufiri i III-të sipas demarkacionit të vitit 2015, shkalla e zvogëlimit 1:200 000.
F.I.&SH.B.
(Kosova Sot)
