Ish anëtari i Manchester Unitedit, Paul Scholes, mendon se Wilshere është dashur të transferohet te ekipi nga Serie A, Roma. Me zgjedhjen e bërë, Scholes dyshon në ambiciet e Wilshere.
Jack Wilshere ka befasuar të gjithë në ditën e fundit të afati kalimtar të verës. Reprezentuesi i Anglisë refuzoi kalimin te Roma, derisa vendosi që të huazohet te ekipi anglez, Bournemouth.
“Unë do të pëlqeja që ta shoh Wilshere, nëse largohej nga Arsenali, të transferohet në një klub të madh si Roma”, ka deklaruar anglezi për Sky Sports.
“Një përvojë jashtë vendit, mendoj se do të ishte e madhe për ekipin e Anglisë. Transferimi te Bournemouth nuk do të thotë se ai të luaj rregullisht”, ka theksuar Scholes.