Burimet e KTV-së, marrin vesh se dy vëllezërit që humbën jetën nga rrëzimi i aeroplanit në afërsi të Shkupit, janë nga Malisheva.
Viktimat janë F. Begaj dhe V. Begaj, të cilët pritej që nesër të hapnin qendrën aeronautike në Istog, një investim i madh në këtë komunë.
Ata dhe katër italianë kanë humbur jetën në tragjedinë që ndodhi sonte në afërsi të Shkupit. Aeroplani i tyre kishte destinacion Prishtinën, por po udhëtonin drejt Shkupit për t’u furnizuar me karburant.
Kosovarët e vdekur në Shkup ishin vëllezër
Dy vëllezër me mbiemrin Begaj, kanë vdekur nga rrëzimi i aeroplanit në afërsi të Shkupit, raporton Alsat.
Dy vëllezërit kanë humbur jetën së bashku me katër shtetas italianë.
Sipas të dhënave të siguruara deri më tani, njëri prej vëllezërve quhet Visar Begaj, dhe të dy janë investitorë
Qëllimi i udhëtimit, ka qenë iniciativa e dy vëllezërve investitorë kosovarë, të cilët kanë dashur të hapnin një klub për fluturime në Istog.
Mediat italiane raportojnë se Aeroplani ishte destinuar të ulej në Shkup, për të bërë një kontroll teknik.