Dy gazetarët rusë, Sazonova Oksana dhe Sergei Belous që janë arrestuar në mbrëmjen e së enjtes në afërsi të Rahovecit, ndodhen në paraburgim në Prishtinë dhe ka mundësi që do të depërtohen në Serbi,
Gazeta ruse Sputnik shkruan se Sazonova Oksana dhe Sergei Belous, kishin vizituar Kosovën për të realizuar një dokumentar për manastiret ortodokse.
Konstantin Knirik, drejtori i agjencisë së lajmeve ku ata punonin, ka thënë se gazetarët u arrestuan në Hoçë të Madhe mbrëmë rreth orës 19:00 pasdite, dhe pastaj janë transferuar në Prishtinë.
“Sipas informacionit tim, ata së shpejti do të depërtohen në Serbi, dhe se tashmë do të jetë në rregull”, ka shkruar Knirik në faqen e tij në Facebook.
“Ne kemi angazhuar tashmë një avokat, por në këtë rast do të përfshihen diplomatë”, ka thënë Knirik.
Sipas tij, gazetarët ka mundësi të paguajnë një gjobë prej 2.500 eurosh dhe të deportuar në Serbi. (Kosova Sot)