Edhe pse në moshën 78-vjeçare, Jane Fonda ende është në top-formë. Shumë do të thonë se është lehtë për t’u dukur si ajo kur në mënyrë të përsëritur i nënshtroheni operacioneve estetike, kur keni aq shumë para, kur keni një ekip të tërë të njerëzve të cilët përkujdesen për flokët, kozmetikën, thonjtë, veshjen etj. Lidhur me këtë gjë dhe çështje të tjera, Jane Fonda dha një intervistë për mediat britanike.
“Më pëlqen t’u ndihmoj femrave të reja dhe t’ua shpjegoj atyre se ato nuk duhet të kenë frikë se çdo ditë janë më afër vdekjes, por duhet ta bëjnë çdo ditë të jetës së tyre edhe më të mirë se sa që ishte ajo e mëparshmja. Unë jam 78 vjeçe dhe ende ndihem e re, kam pasion, kureshtje dhe shumë energji. Duke shikuar vitet në pjesën e jashtme është një gjë e frikshme, për këtë arsye i shikoj ato nga brenda, në mënyrën se si ndjehem”, tha Jane Fonda, duke shtuar se për çdo ditë mediton dhe në asnjë mënyrë nuk humb tetë orë gjumë.
Përveç kësaj, ajo komentoi në lidhje me ndërhyrjet e shumta estetike.
“Unë pranoj se nuk është e lehtë për t’i bërë ballë presionit të Hollivudit. Do të doja të isha trimëreshë dhe të mos i nënshtrohem presionit, por më duhet të pranoj se operacionet e mia më kanë ‘blerë’ dekada të jetës”, theksoi në mënyrë të sinqertë, Jane Fonda.