Zyrtari i Qendrës Rajonale të Institutit të Shëndetit Publik në Prizren,Fadil Kryeziu, siguron qytetarët se ujit që janë duke e përdorë është i pastër.
“Në bazë të punës që bëhet në këtë institucion të rëndësishëm, cilësia e ujit sidomos në Prizren, është në nivelin e kënaqshëm, ndërsa komunat tjera të regjionit janë në nivel pak më të ulët”, tha Kryeziu.
Sipas tij, përdorimi i ujit që është nën menaxhim të KRU “ Hidroregjioni jugor”, është më i sigurt , pasi uji trajtohet përmes klorifikimit të tij nga kompania.
“Monitorimi i gjendjes dhe cilësisë së ujit që përdoret për pije është konstant, dhe në rast të ndonjë avarie apo varësisht nga kushtet e rënduara atmosferike, në përcjellim çdo gjë në bazë të kapaciteteve që posedojmë për të informuar qytetarët me kohë për ndryshimin e cilësisë apo ndotjes së ujit dhe mënyren e përdorimit të tij”.
“Ky institucion në bashkëpunim me KRU “Hidroregjioni jugor” monitoron cilësinë e ujit përveç Prizrenit edhe në Suharekë, Dragash, Malishevë dhe Mamushë, ndërsa thotë se Prizreni ka fat që posedon burime nëntokësore të ujit në krahasim me komunat tjera që furnizohen nga ujërat sipërfaqësore, që e dallon këtë komunë për nga cilësia më e theksuar e ujit të pijes”. /TVPZ/